Ostirala, 2014-10-31

Lea-Artibai eta Mutrikuko ‘Asteko albistegia’ eta zorion agurren bideoa, ikusgai

Asteon albistegiak ondoko gaiak biltzen ditu: Literatur Amuak egitasmoa (Ondarroa); Peru Abarka narrazio laburren lehiaketako sariduna: Castillo Suarez (Markina-Xemein); Konponbiderako garaia dela aldarrikatu dute herritarrek (Ondarroa); Berriatukok urrezko hiru puntu lortu ditu (Berriatua-Markina-Xemein); Txipiroik Jardunaldiak, domekara arte (Lekeitio); Produkton bulegoa (Berriatua); Gaba Beltza, asteburuan (Mutriku); eta gehiago!

Sekula baino film gehiago aurkeztu dira Lekeitioko 37. Euskal Zine Bilerara

Aurtengo partehartzeak harritu egin ditu antolatzaileak. 59 film aurkeztu dira 37. Euskal Zine Bilerara. Horietatik 48 aukeratu ditu hautespen batzordeak: 30 lan amateur eta hamazortzi lan profesional. Filmak Euskal Herriko lurralde osotik heldu dira. Profesionalen sailean hamazortzi film aurkeztu dira. Gipuzkoatik bederatzi  lan, Bizkaitik sei, Lapurditik bi eta Nafarroa Beheratik bat. Amateur sailean, aldiz, 30 [...]

Lotu, Euzkitze eta Klik Klak izan dira Lea Artibaiko VII. Erakusleiho Lehiaketako irabazleak

Epaimahaiak esandakoaren arabera, aurten inoiz baino maila altuago egon da, eta oso saila izan da hiru irabazleak aukeratzea. Denetara 39 saltokik hartu dute parte aurten Leartibai Garapen Agentziak antolatutako zazpigarren lehiaketan: hamazortzik Lekeition, zazpik Markina-Xemeinen eta hamalauk Ondarroan. Sektore desberdinetakoak izan dira, gainera, parte hartzaileak: optika, oinetakoak, ileapaindegiak, kirola, moda, lurrindegia, mertzeria eta beste batzuk. [...]

Lehenengo gazte ekintza antolatu du Lekeitioko Gazte Guneak

Domekan Talaiara joango dira eta parrilada bat egingo dute. Irteera 12:00etan izango da Gazte Gunean baina joan nahi duenak izena eman behar izango du barikuan, Gazte Gunean, 18:00etatik  23:00etara. Urrian hasi zen Aisialdi Taldea zerbitzuak eskaini eta aisialdiari astindu bat emateko prest. Hiru adin tarte ezberdinentzako zerbitzuak eskeintzen dituzte, bakoitzak bere toki, ordutegi eta programazio [...]

Errigora proiektuak produktu eta ekoizle gehiago dakartza aurten

Kanpaina berria dakar Errigora proiektuak. Bost ziren iaz ekimenean parte hartu zuten ekoizleek, eta hamar izango dira aurten Errigoran ariko direnak. Nafarroa hegoaldea du ardatz Errigorak, eta euskara ofiziala ez den zonaldean eragin nahi du, eremu horretakoak propio diren produktuei Euskal Herrian bidea emanaz, euskaratik, euskararako eta euskaraz. Hala, zonalde hartako errealitatea ezagutzera ematea ere [...]

Udalbiltzari diru ekarpena egiten dioten udalen kontra egin du Carlos Urquijok

Udalbiltzak jakitera eman duenez, Carlos Urquijo Espainiako Gorbernuaren EAEko bozeramailea «sistematikoki helegiteak jartzen ari da» auzitegietan Udalbiltza Partzuergoari diru ekarpena egiten dioten udalen ebazpenen aurka. Momentuz hamazortzi dira errekerimendua jaso duten udalak, tartean Ondarroako Udala. Udalbitzaren arabera, baina, «beste askok» ere jaso dezakete helegitea. Lehen epaiketa azaroaren 11n abiatuko da, Irurako udal akordio baten aurka; [...]

Ebakuntza gela bi eta arreta kirurgikorako zerbitzua ditu Gernika-Lumoko ospitaleak

Hain zuzen, bi ebakuntza gela izango dira erabilgarri aurrerantzean; eta, hasiera batean, kirurgia oftalmologikoa eta traumatologikoa egingo dituzte. Endoskopiak egiteko gela, anestesia ostean bizkortzeko unitatea eta kirurgia anbulatoriorako unitatea ere zabalduko dituzte. Gernika-Lumon egon ziren barikuan Jon Darpon Osasun sailburua, Osakidetzako zuzendari nagusi Jon Etxeberria eta Barrualde-Galdakao ESIko zuzendari Jon Guajardo. Osasun sailak zehaztu zuenez, [...]

Joseba Artzak bigarren egin du Bizkaiko Bertsolari Txapelketako hirugarren kanporaketan

200 lagun inguru elkartu ziren zapatuan [urriak 25] Mungiako Olalde aretoan #Josi-Bizkaiko Bertsolari Txapelketaren hirugarren kanporaketan. Bertsolariak hurrengoak izan ziren: Eneko Abasolo Txabarri Abarkas, Gorka Lazkano Arrizubieta, Jon Rementeria Larruzea, Joseba Artza Zubillaga, Julen Ibarguengoitia Ordorika eta Peio Ormazabal Villanueva. Ariketa guztiak egin ostean, Eneko Abasolo Txabarri Abarkasek lortu zuen Mungiako saioan puntu gehien batzea. [...]

Usotegi Eguna «bikaina» izan dela esan dute parte hartzaileek

Lekitto Bedarrak antolatuta, parte hartzaileek zein antolatzaileek ondo baino hobeto pasatu zuten zapatuan. Jakoba Errekondoren tailerra arrakastatsua izan zela esan dute antolatzaileek eta oro har, parte hartzaileak gustura ibili zirela esan dute antolatzaileek: «eguna bikaina izan zen». Eguraldi onagaz, hainbat herritarrek parte hartu zuten zapatuan Usotegi Egunean. «Jakoba Errekondok parkearen ezaugarri nagusiak deskribatu eta tailer [...]

Autobusen irteera oztopatu dute Berriatuan Bizkaibusen lehen greba egun mugagabean

  Akordiorik gabe altxatu ziren barikuan Bizkaiko Foru Aldundia eta Bizkaibus zerbitzua eskaintzen duten autobus enpresak negoziazio mahaitik, eta, gaur, greba mugagabea abiatu dute langileek; gutxienez barikura arte iraungo du; Orduan batuko dira berriz sindikatuak eta Aldundia.  Akordiorik barik, ELA, LAB, UGT, CCOO eta LSB sindikatuek protestara deitu dute. Diputazioko iturriek jakinarazi dutenez, istiluak izan [...]