Lea-Artibai eta Mutrikuko Hitza

Oinezkoek izango dute lehentasuna Larrotegin

Eider Mugartegi — Fri, 18 May 2012 07:12:40 +0000

Oinezkoei eta bizikletei lehentasuna emoteko asmoz, zirkulazioa mugatzeko asmoa dauka Lekeitioko Udalak Larrotegi auzoan. Auzokoekin adostu ondoren, Larrotegi birgaitzeko proiektua burutuko du udalak urtea amaitu orduko. Auzoaren berrantolaketaren baitan, saneamendu-sarea, argiteria, eta espaloiak be barrituko dituzte, eta autobusen geltokia egokituko dute. Hori guztia aurrera eroateko, 800.000 euroko aurrekontua aurreikusten du udalak, eta horretarako, Eusko Jaurlaritzak arrantzaren menpe dauden zonaldeak hobetzeko, bergaitzeko eta berpizteko emoten dituen Itsaspen programaren barruko 400.000 euroko diru-laguntza izango du. «Iaz eskatu zen laguntza, baina ez zen auzokoekin adostasun batera ailegatu, eta aurten luzapena eskatu dugu proiektua burutu ahal izateko», azaldu du alkateak.

Bi eguneko irteera edukiko dute gaztetxoek Baztan inguruetara

Eider Mugartegi — Fri, 18 May 2012 07:08:56 +0000

Ume eta gaztetxoen bi eguneko mendi irteera antolatu du Artibai Mendigoizale Taldeak Baztanera. Irteera, ekainaren 30ean izango da, eta buelta uztailaren 1ean. Ibantelli (698m.) eta Legate (870m.) mendiak igoko dituzte gaztetxoek irteeran. Ibilbideak 8 eta 10 km inguruko luzera izango dute eta 400 edo 500 metro inguruko maldak. «Umeen martxan lau edo bost ordu inguruan egiteko modukoak dira, atsedenak barne», zehaztu dute antolatzaileek. Lo, Narbarte herriko Bertiz aterpean egingo dute, ohatzeetan, hori dela eta, lo zakua eta toalla eroan behar direla jakitera emon dute mendigoizale taldekoek.

Irteeran parte hartu nahi dutenek Artibai Mendigoizale Taldearen lokalera joan behar dute, eta maiatzaren 23a izango dute azken eguna horretarako. 14 urtetik beherako bazkideek 40 euro ordaindu beharko dituzte, eta bazkide ez direnek 45 euro. Bazkide diren nagusiek barriz 50 euro ordaindu beharko dituzte eta 55 euro, bazkide ez direnek. Prezioan, autobusa, lo egitea, zapatuko afaria eta domekako gosaria sartzen dira. «Mendirako janaria bakoitzak berea eroan behar du», aitatu dute antolatzaileek.

LZPri egindako alegazioak azalduko ditu gaur Etxebarriko Udalak

Eider Mugartegi — Thu, 17 May 2012 16:08:06 +0000

Gernika-Markina Lurraldearen Zatikako Planaren hasierako testuari alegazio batzuk jarri nahi dizkio Etxebarriko Udalak, eta alegazio horiek herritarrei azaltzeko batzarra antolatu du .Batzarra gaur, 19:30ean egingo da kultur aretoan.

Gazte batzarra egingo da, barikuan, kultur aretoan

Eider Mugartegi — Thu, 17 May 2012 10:28:14 +0000

Markinako Gazte Asanbladak bide barriak zabaldu nahi ditu, hori dela eta, gazte batzarra deitu dute biharko. Batzarra 20:30etan egingo da kultur aretoan.

Udal aurrekontuak aurkeztuko dituzte Lekeition, gaur

Lekeitioko Hitza — Thu, 17 May 2012 10:15:33 +0000

Gaur, 19:30etan osoko bilkura egongo da Lekeitioko udaletxean, eta besteak beste udal aurrekontuak aurkeztuko dituzte.

Mutriku Zero Zabor taldearen aurkezpena izango da etzi, Luardo Etxean

Larraitz Ibaibarriaga — Wed, 16 May 2012 16:12:32 +0000

Hondakinen bilketaren gaia mahai gainera aterata, Mutriku Zero Zabor taldearen aurkezpena egingo da barikuan, Luardo Etxean. 18:30erako egin dute hitzordua udal ordezkariek.
Taldeak dituen helburuak eta nondik norakoak azalduko dituz

Beheko Plazako igogailuaren ordutegia bi orduz zabaldu du udalak

Larraitz Ibaibarriaga — Wed, 16 May 2012 16:11:08 +0000

Gauerdira arte dago zabalik Beheko Plaza eta moila batzen dituen igogailua.
Mutrikuko Udal ordezkariek herritarren eskariari erantzun nahi izan diote aldaketagaz. Izan ere, 150 sinadura aurkeztu zituzten udaletxean, igogailua ordu gehiago martxan egon zedin.

Bi hilabeteko zigorra ezarri diote Esteban Muruetagoienaren plaka apurtu zuen ertzainari

Larraitz Ibaibarriaga — Wed, 16 May 2012 16:09:49 +0000

Bi hilabeteko zigorra baino ez dio ezarri Herrizaingo Sailak 2010eko maiatzaren 9an Esteban Muruetagoiena medikuaren omenez Oiartzungo osasun etxean ipinita zegoen plaka apurtu zuen ertzainari. Bi hilabetean lanik eta soldata barik egon da agentea.
Zigorra 2011ko urriaren 6tik aurrera bete zen, agenteak bi falta larri egin zituela ulertuta: lehen zigorrak hilabete eta erdiz lanik eta soldatarik barik egotea jaso zuen, Ertzaintzaren 9.2 barne araudia ez betetzeagatik. Araudi horrek nagusi, lankide, mendeko zein administrazaileei egindako begirune eza zigortzen du, bereziki irain fisiko zein hitzezkoak. Gainerako hamabost eguneko zigorra nagusiengandik zein zerbitzuaren arduradunengandik jasotako aginduak ez betetzeagatik ezarri zion Herrizaingo Sailak, disziplinazko araudiaren 9.8 artikuluak jasotzen duen modura.
Ertzaintzaren barne araudiaren arabera, falta larri baten komisioak hamabost egunetik urte bira arteko lan eta soldata galera ekar dezake; terrorismoaren biktima baten omenezko oroigarri bati eraso egitea, esate baterako, urtebete eta urte bi arteko espetxeagaz zigortzen da.
Muruetagoiena Guardia Zibilak atxilotu eta torturatu ondo

Ana Elordi eta Ainara Aramaio (Ondarroako Antzerkizaleak): «Probatzea merezi duen aperitibo gozoa da prestatu dugun antzerki ikastaroa»

Larraitz Ibaibarriaga — Wed, 16 May 2012 16:02:30 +0000

Antzerkia gustuko duten guztiekin plantetan hasteko gogoz daude Ana Elordi (Ondarroa, 1962) eta Ainara Aramaio (Ondarroa, 1983). Ez dute edozein modutan egingo: luxuzko antzerki topaketak prestatu dituzte.
Topaketak gainean, bihar da antzerki ikastaroan izena emoteko azkan eguna. Badago lekurik?
Ainara Aramaio: Adin ezberdineko zortzi lagun daude oraingoz, izena emonda, eta hamabirentzat dago lekua. Interesatuta daudenek ahalik-eta arinen emon beharko dute izena, leku barik ez geratzeko.

Ondarroan badago antzerkizaletasunik?
Ana Elordi. Bixka bat da aperititibo bat, aperitibo gozoa. Jendeari kostatu egiten zaio asteburu oso bat horretarako hartzea, ondo antolatu behar zarelako lanagaz edo familiagaz, eta sasoia be, nahasi xamarra da. Baina ez genuen nahi laga, uda baino lehenago egin nahi genuen. Arriskatu egin gara, eta gogoa dago gauza gehiago antolatzeko. Esperientzia oso ona dela badakigu

Ganadu azoka antolatu du Etxebarriko Udalak ekainaren 9rako

Eider Mugartegi — Wed, 16 May 2012 15:49:22 +0000

Ekainaren 9an, Ganadu Azoka egingo da Etxebarrian, eta urtero legez animaliak erakutsi eta saldu eta erosteko hitzordua izango da inguruetako baserritarrentzat. Zaldi, behor, mando, poney eta astoez gainera, behi txahal eta idiak be hartuko dituzte oraingoan. Animaliak, sokan lotuta egon beharko dute erakusketa denboran eta osasun gaietan indarrean dauden arauak bete beharko dituzte. Saldu eta erosteko abereentzat beste soka bat egongo dela jakitera emon du Etxebarriko Udalak, eta parte hartzea libre eta doan izango dela aurreratu dute. Azokan parte hartzeko, ekainaren 1ean emon behar da izena udaletxean edo 94-616 64 32 telefono zenbakian 09:00etatik 14:00etara.